Хезболах потврди дека во израелски напад во петокот е убиен високиот командант Али Караки

БЕЈРУТ (АА) - Хезболах потврди дека во петокот во израелски воздушен напад врз јужните предградија на Бејрут бил убиен и високиот командант Али Караки, јавува Анадолу.

Од Хезболах наведоа дека Караки загинал во воздушен напад изведен пред неколку дена во регионот Дахије во главниот град Бејрут.

Во нападот беше убиен и генералниот секретар на Хезболах, Хасан Насрала.

Хезболах соопшти дека Караки, кој беше „командант на војниците на движењето на југ“ од 1982 година, кога е основан Хезболах, продолжил со своите должности како командант на Јужниот фронт од 8 октомври минатата година.

Потврдено е дека Караки бил убиен заедно со лидерот на Хезболах, Насрала, и група други високи претставници.

Али Караки беше познат како трета личност на врвот на военото крило на Хезболах и на чело на движењето.

Во израелските воздушни напади, кои резултираа со смрт на Насрала и на други високи претставници, уништени беа шест згради во квартот Дахије во Бејрут.

Израелските сили започнаа големи воздушни напади во Либан претходно оваа недела, во коишто загинаа стотици лица, и предизвикаа раселување на илјадници.

Тензиите дополнително ескалираа откако во петокот во Бејрут беа убиени Насрала и други команданти. Израелските сили продолжија со бомбардирање на делови од либанската престолнина.