Израелските граѓани ќе се соочат со затворска казна ако не ги почитуваат правилата за карантин
Министерството за здравство на Израел наведува дека околу 50 граѓани кои ги посетиле источно-азиските земји не ја испочитувале постапката за 14-дневен карантин по нивното враќање.
ЕРУСАЛИМ (АА) - Израелските власти соопштија дека граѓаните на Израел кои нема да ја почитуваат наредбата да останат во карантин поради коронавирусот, би можеле да бидат казнети со затворска казна и до седум години, пренесува Агенција Анадолија (АА).
Во соопштението на Министерството за здравство на Израел се наведува дека околу 50 граѓани кои ги посетиле источно-азиските земји не ја испочитувале постапката за 14-дневен карантин по нивното враќање.
„Оние кои не ја почитуваат процедурата за домашен карантин, ќе бидат осудени на три години“, се вели во соопштението.
Министерството исто така ги повика своите државјани да ги пријават оние кои не ги почитуваат правилата за карантин.
Министерството за внатрешни работи на Израел претходно соопшти дека на странските државјани кои ги посетиле Тајланд, Сингапур и Хонгконг, како и Макао, нема да им биде дозволено да влезат во земјата.
Бројката на починати лица во Кина како последица на коронавирусот се зголеми на 2.238.