Ikrame Imane Kouachi
03 Мај 2024•Ажурирај: 05 Мај 2024
ГАЗА (АА) - Палестинското движење на отпорот Хамас денес повика на глобална акција за „криминализирање“ на израелските насилства врз палестинските новинари, јавува Анадолу.
Во соопштението по повод Светскиот ден на слободата на медиумите, Хамас истакна: „Повикуваме на глобална акција за осудување, разоткривање и криминализирање на насилствата на окупацијата и заштита на палестинските новинари и медиумски професионалци од угнетувањето и тероризмот на (израелската) окупација“.
Палестинската група нагласи дека „злосторствата на Израел врз новинарите нема да ја прикријат реалноста на нејзиниот тероризам и агресија“.
Хамас истакна дека Израел „не успеал да го спречи ширењето на палестинскиот наратив на арапско, исламско и меѓународно ниво“.
Најмалку 141 новинар и медиумски работници се убиени, а над 70 се повредени од страна на израелската армија, покрај апсењето на десетици за време на тековната израелска војна во Појасот Газа од 7 октомври 2023 година, соопшти вчера владината канцеларија за медиуми со седиште во Газа.
Израел спроведува смртоносна воена офанзива врз Газа од упадот на Хамас на 7 октомври, во кој загинаа околу 1.200 луѓе.
Тел Авив, за споредба, уби речиси 34.600 Палестинци и рани над 77.800 во масовно уништување и недостаток на неопходни услови во палестинската територија.
Според податоците на Обединетите нации (ОН), израелската војна во Газа принуди 85 отсто од населението внатрешно да се расели, предизвика акутен недостиг на храна, чиста вода и лекови, а 60 отсто од инфраструктурата на енклавата се оштетени или уништени.
Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки хуманитарната помош да стигне до цивилите во Газа.
