Франција: 3 загинати, 21 повреден во пожар во петкатна зграда

Како резултат на пожар во зграда во Приморските Алпи, што се наоѓаат во јужниот дел на Франција, загинаа 3, а повредени се 21 лице, пренесува Анадолу.

Според веста на „Радио Франс“, пожарот избувнал во утринските часови во 5-катница во градот Грас.

Во пожарот животот го загубиле 3 лица, додека 21 лице се повредени, од кои тројца со потешки повреди.

Пожарот е ставен под контрола по интервенција на 50-ина пожарникари кои пристигнале во подрачјето со 17 возила.

Зградата во која избувна пожарот и околните објекти превентивно се евакуирани.

Во меѓувреме, започна истрага за пожарот, чија причина сѐ уште не е разјаснета.

На 9 август, 11 лица ги загубија животите, заробени од пожар во летна резиденција каде што лица со посебни потреби и нивните придружници престојуваа во градот Колмар во регионот Алзас.