Филипини: Возило од типот СУВ падна во каналот за наводнување, 13 мртви

АНКАРА

13 лица загинаа вчера кога возило од типот СУВ падна во канал за наводнување на островот Лузон, во северниот дел на Филипини, известува Агенција Анадолија (АА).

Филипинските власти соопштија дека во несреќата што се случи во регионот Табук, во провинцијата Калинга, кога на пикник на езеро заминале група роднини, при потонувањето на возилото во канал за наводнување животот го загубиле 13 лица, од кои 7 деца.

Во соопштението се наведува дека во несреќата има двајца повредени.

Фатални сообраќајни несреќи се честа појава во северните планински региони на Филипини поради небезбедните патишта и стрмните премини.