Украина ја обвини Русија за напад врз супермаркет и пошта во кој загинаа четири лица, а 24 се повредени

МОСКВА (АА) - Украинскиот претседател Владимир Зеленски денес ја обвини Русија за напад врз супермаркет и пошта во градот Костјантинивка, при што загинаа четири лица, а 24 се повредени, пренесува Анадолу.

Операцијата за спасување продолжува, а под урнатините има луѓе, истакна Зеленски во изјавата преку Телеграм.

Русија досега не излезе со коментар за овие тврдења.

Независната верификација е тешка поради тековната руско-украинска војна што започна во февруари 2022 година.