Украина тврди дека од почетокот на војната загинале 23.800 руски војници

КИЕВ (АА) - Генералштабот на Вооружените сили на Украина соопшти дека од почетокот на нападот на нивната земја, Русија изгубила околу 23.800 руски војници, и дека се соборени 194 авиони, 155 хеликоптери и уништени се 1.048 тенкови, пренесува Агенција Анадолија (АА).

Во соопштението што ги опфаќа податоците од 24 февруари до 2 мај оваа година, истакнато е дека руската страна во последните 24 часа изгубила 300 војници.

Покрај споменатите загуби, како што тврди украинската страна, Русија изгубила 2.519 оклопни возила, 459 топови, 152 ракетни системи и 80 системи за противвоздушна одбрана.

Руските сили изгубија 1.824 воени возила, осум бродови и брзи глисери, 76 цистерни и 271 беспилотно летало.

Министерството за одбрана на Русија во соопштението од 25 март наведе дека во Украина настрадале 1.351 руски војник.