ИСТАНБУЛ (AA) - Украинските трупи повторно воспоставиле контрола врз осум населени места покрај фронтот кај Олександривка од крајот на јануари, изјави главниот командир на Вооружените сили на Украина, јавува Анадолу.

Во соопштение на Телеграм, Олександр Сирски изјави дека одржал состанок со командантите за време на посетата на фронтовската линија на југот на земјата, при што разговарале за извршувањето на борбените задачи и ги утврдиле приоритетните чекори за поддршка на украинските единици.

Опишувајќи ја ситуацијата во овој дел од фронтовската линија како „тешка“, Сирски рече дека додека дел од украинските сили ја држат својата одбранбена линија, други спроведуваат офанзиви.

„Од крајот на јануари оваа година, формациите на Воздушно-десантните сили заедно со соседните единици ја вратија контролата врз 400 квадратни километри територија и осум населени места во правецот на Олександривка“, рече тој.

Сирски не даде дополнителни детали за повторно заземените населени места.

Фронтот кај Олександривка се однесува на област лоцирана на пресекот на три региони, имено Дњепропетровск, Доњецк и Запорожје.

Руските власти сѐ уште не ги коментирале тврдењата на Украина, а независната проверка на наводите е тешка поради тековната војна, која денес ја одбележува својата четврта година.