Украина: Русија изврши напад врз Киев со балистичка ракета

КИЕВ (АА) – Русија, по пауза од 52 дена, изврши напад со балистички ракети врз Киев, главниот град на Украина, јавува Анадолу.

Началникот на воената управа на градот Киев, Сергеј Попко, преку социјалните мрежи потврди дека Русија извршила ракетен напад врз главниот град по пауза од 52 дена.

Истакна дека руската војска лансирала балистичка ракета од типот „Искендер“ кон Киев во околу осум часот по локално време.

Попко изјави дека ракетата била уништена од противракетниот систем кај Киев, а според прелиминарните податоци нема човечки жртви, ниту материјална штета.

Попко напомена и дека Русија во текот на ноќта извршила напад врз Киев со беспилотни летала.

Началникот на воената управа на Одеската Област, Олег Кипер, наведе дека Русија во текот на ноќта го нападнала регионот со проектили и беспилотни летала од типот „Шахед“.

„Повредени се три лица. Погодена е и пристанишната инфраструктура. Нема повредени“, соопшти Кипер.