Турција се залага за подобрување на односите со економската група Д-8

АБУЏА (АА) - Турскиот министер за наука, индустрија и технологија, Фарук Озлу, изјави дека за Турција е значајно да ги подобри односите со економската група Д-8 и со Нигерија, јавува Anadolu Agency (AA).

„Турција и Нигерија имаат огромен потенцијал. Треба детално да работиме за подобрување на обемот на трговијата“, изјави Озлу за АА во главниот град Абуџа.

Министерот рече дека билатералната трговија надминала 820 милиони долари во првите девет месеци од годината.

„Оваа бројка е многу мала“, рече тој.

Според Турскиот институт за статистика, турскиот извоз во Нигерија изнесува 241,6 милиони долари додека нејзиниот увоз од земјата беше речиси 158 милиони долари во 2016 година.

„Турција останува отворена за соработка во науката, технологијата и индустријата“, вели тој.

Озлу рече дека бизнис кругот во Турција би бил заинтересиран за активностите за приватизација и можностите за инвестирање во индустријата за железо, челик и одбрана во Нигерија.

„Индустријата за снабдување на автомобилите е добро развиена во Турција. Индустријалците во овој сектор исто така може да инвестираат во Нигерија“, додаде тој.

Економската група Д-8, која се состои од земјите Турција, Индонезија, Бангладеш, Египет, Иран, Малезија, Нигерија и Пакистан, беше основана на 15 јуни 1997 година, откако поранешниот турски премиер Неџметин Ербакан го даде таквиот предлог.