Трет ден продолжува упадот на радикалните Евреи во џамијата Ал-Акса по повод празникот Сукот

ЕРУСАЛИМ (АА) - Трет ден продолжува упадот на радикалните еврејски доселеници во џамијата Ал-Акса во Стариот град на окупираниот Источен Ерусалим, а изговор за тоа е празникот Сукот, известува Анадолу.

Под силно обезбедување на израелската полиција, илјадници доселеници се упатија кон Западниот ѕид, влегоа во светата џамија и со своите семејства во дворот ги извршија ритуалите, молејќи се заедно и рецитирајќи празнични верски песни.

Овие упади во џамијата Ал-Акса, во придружба на израелската полиција, еднострано продолжуваат од 2003 година. Палестинското Министерство за вакафи и верски прашања објави дека минатиот месец радикалните Евреи 26 пати упаднале во џамијата Ал-Акса.