Трамп формира притворен центар за 30.000 мигранти во Гвантанамо

ВАШИНГТОН (АА) - Американскиот претседател Доналд Трамп денес изјави дека потпишува извршна наредба со која му се наложува на Пентагон и Министерството за национална безбедност да подготват притворен центар за 30.000 мигранти во заливот Гвантанамо, јавува Анадолу.

„Повеќето луѓе не ни знаат дека имаме 30.000 кревети во Гвантанамо каде што може да ги притвориме најлошите криминални илегални странци што му се закануваат на американскиот народ. Некои од нив се толку лоши што дури не им веруваме на земјите да ги држат кај нив бидејќи не сакаме тие да се вратат кај нас“, вели Трамп во изјавите дадени од Белата куќа.

„Значи, ќе ги испратиме во Гвантанамо. Ова веднаш ќе го удвои нашиот капацитет. Нели? И тешко. Тоа е тешко место за да се избега“, додаде тој.