Трамп го повика Илон Маск да биде „поагресивен“

ИСТАНБУЛ (АА) - Американскиот претседател Доналд Трамп денес го повика Илон Маск да биде „поагресивен“ во своите напори, мислејќи на улогата на Маск во Одделот за владина ефикасност (DOGE), чија цел е намалување на федералните трошоци, пренесува Анадолу.

„Илон врши одлична работа, но би сакал да видам да биде малку поагресивен“, објави Трамп на социјалната мрежа „Truth Social“.

Тој посочи дека САД треба да се спасат и додаде дека крајната цел е „да се направат (САД) поголеми од кога било досега.“

Маск, милијардер и поддржувач на Трамп, е клучна фигура во напорите на администрацијата за рационализирање на владиното работење.