Ekip
17 Април 2023•Ажурирај: 18 Април 2023
ЊУ ДЕЛХИ (АА) - Најмалку 11 лица починаа, а повеќемина се хоспитализирани од претрпен топлотен бран додека присуствуваа на собир во западната индиска држава Махараштра, известува Анадолу.
Топлотниот бран во западните делови на Индија вчера предизвика големи проблеми за време на доделувањето на наградата Махараштра Бушан.
Меѓу илјадниците присутни беше и министерот за внатрешни работи Амит Шах.
Покраинскиот премиер на Махараштра, Екнат Шинде, рече дека повеќе луѓе се префрлени во болница поради топлотен удар.
„За жал, 11 лица починаа во болница“, напиша Екнат на Твитер.
Владата најави исплата на обештетување на семејствата на починатите.
Индискиот метеоролошки завод издаде предупредување за топлотен бран за следните неколку дена во повеќе делови од земјата.
Во источната сојузна држава Западен Бенгал, власта најави затворање на образовните институции за оваа недела.
