Тимови на иранската Црвена полумесечина продолжуваат со потрагата по преживеани по нападите на САД и Израел врз Техеран

ТЕХЕРАН (АА) – Спасувачките тимови на иранската Црвена полумесечина вчера спроведоа опсежни операции за пребарување и спасување низ главниот град, по серијата воздушни напади извршени од страна на Соединетите Американски Држави (САД) и Израел, јавува Анадолу.

Специјализираните единици работат на терен за пронаоѓање на преживеани лица заробени под урнатините на станбените блокови кои беа погодени за време на нападите.

САД и Израел вршат воздушни напади врз Иран од 28 февруари, при што досега се убиени над 1.340 луѓе, меѓу кои и тогашниот врховен лидер Али Хамнеи.

Техеран возврати со напади со беспилотни летала и ракети насочени кон Израел, како и кон Јордан, Ирак и земјите од Персискиот Залив каде што се наоѓаат американски воени капацитети, предизвикувајќи жртви и штета на инфраструктурата, истовремено нарушувајќи ги глобалните пазари и авиосообраќајот.