Терористичката организација ЈПГ/ПКК продолжува да ги ослободува терористите на ДЕАШ

АНКАРА

Курдската кауза за независна Сирија соопшти дека терористичката организација ЈПГ/ПКК ослободила еден од водачите на терористичката организација ДЕАШ, известува Агенција Анадолија (АА).

Терористичката организација ЈПГ/ПКК, којашто во Сирија го користи името Сириски демократски сили, продолжува да ги ослободува заробените терористи, припадници на ДЕАШ.

На интернет-страницата на Курдската кауза за независна Сирија што е составена од курдски формации на сириската опозиција, објавена е веста во која се наведува дека ЈПГ/ПКК го ослободила Еид Абдулхамид ал Дејри, еден од водачите на ДЕАШ и таканаречен „командант на Бирото за односи со јавноста“, приведен пред две години.

Споменатиот терорист, член на ДЕАШ, е вмешан во голем број воени злосторства.

Терористичката организација ЈПГ/ПКК минатиот месец ослободи 631 лице за кои е утврдено дека се соработници на терористичката организација ДЕАШ.