Судири на универзитет во Нигерија: 13 загинати

АБУЏА

Во насилните настани до кои дојде на универзитетот Коги во подрачјето Ајингба во Нигерија, според првичните проценки животот го загубија 13 лица, јавува Anadolu Agency (AA).

Според вестите објавени во локалните медиуми, во судирите што настанаа меѓу две групи загинаа најмалку 13 студенти. Големиот број повредени се префрлени во локалните болници.

Портпаролот на полицијата на државата Коги, Хакем Бусари изјави дека во подрачјето се испратени полициски сили и дека е започната истрага во врска со настанот.