Соборени два светски рекорди на атлетскиот митинг во Шпанија

АНКАРА

На атлетскиот митинг што се одржува во Шпанија соборени се два светски рекорди. Џошуа Чептегеј од Уганда на трката од 10.000 метри во машка конкуренција и Летесенбет Гидеј од Етиопија на трката од 5.000 метри во женска конкуренција поставија нови светски рекорди, известува Агенција Анадолија (АА).

На атлетскиот митинг именуван како „НН Ден на светски рекорди - Валенсија“, двајца спортисти успеаја да урнат светски рекорди.

Во трката од 10.000 метри во машка конкуренција, 24-годишниот Чептегеј со време од 26 минути и 11 секунди го освои првото место на трката во Валенсија и по 15 години го собори светскиот рекорд на Етиопјанецот Кенениса Бекела (26.17.53) за повеќе од 6 секунди.

Во женска конкуренција на трката на 5.000 метри 22-годишната Гидеј со време од 14 минути 6,62 секунди го собори светскиот рекорд на својата сонародничка Тирунеш Дибаба, поставен во 2008 година (14 минути 11,15 секунди).