Снимателот на Ал Џезира Самер Абудака убиен во израелски напад на југот на Газа

ИСТАНБУЛ (АА) - Снимателот на Ал Џезира Самер Абудака е убиен во израелски напад на училиште во Хан Јунис, на југот на Појасот Газа, пренесува Анадолу.

Ал Џезира објави дека итната помош не можела да се пробие до нивниот снимател поради интензивното гранатирање и урнатини на патот кон местото каде е погоден.

Во овој напад ранет е и новинарот и шефот на канцеларијата на Ал Џезира во Газа, Ваел Дахдух, кој е погоден од гелер во раката и во половината.

Три работници на цивилната заштита исто така се убиени во израелските напади на училиште во Хан Јунис.

Членовите на тимот на цивилната заштита се убиени додека се обидувале да ги спасат цивилите во училиштето Фархан, соопшти палестинското Министерство за внатрешни работи.

Трите члена на овој тим „ја извршувале својата хуманитарна должност“ во центарот на Хан Јунис, се вели во соопштението.