Сирија: Младите од Деир ез-Зор со графити ги бришат трагите на режимот на Баас во градот

ДЕИР ЕЗ-ЗОР (АА) - ОМЕР Копаран/Етхем ЕМРЕ ОЗЏАН

Младината во источната сириска провинција Деир ез-Зор со графити ги брише трагите на урнатиот режим на Баас од улиците на центарот на градот, јавува Анадолу.

По падот на режимот на Баас младите луѓе од градот Деир ез-Зор ја отсликуваат својата радост преку графити.

Младината што се собра во центарот на градот, главно студенти, на ѕидовите изработува цртежи во необични бои што ги симболизираат слободата и мирот.

- Ги прикажа симболите на револуцијата и оние што загинаа во нападот на режимот -

Покрај падот на режимот и новите сириски знамиња, младите ги цртаат и портретите на сирискиот активист Мазен Хамада, кој го загуби животот под тортурата на режимските сили, како и на поранешниот сириски репрезентативец Абдулбасет ал-Сарут, кој го загуби животот во еден од нападите на режимот.

Момчето Мухамед Ел-Јунус, еден од младите што работеше на цртежите, за дописникот на АА изјави дека работата ја започнале деветмина, а во моментов работат 32 лица.

„Откако со пријателите разговаравме за темата на нашите цртежи, решивме да избереме револуционерни симболи за нашата работа. Овие симболи претставуваат мир и слобода. Како ликови во нашите дела избравме и двајца од нашите загинати херои. Едниот е Хамада, а другиот е Абдулбасет ал-Сарут. За цртежите избравме необични бои“, рече Јунус.

Јунус посочи дека за работата што ја прават добиле поддршка и од јавноста.

Весен Џасим изјави дека во изработката на цртежите, која ја започнале доброволно со пријателите, тематски се водат од слободата, новото знаме и мирот.

„Нашите загинати херои, Господ нека им се смилува, за нас се симболи на слободата. Сакавме да го зачуваме споменот на нив“, рече Џасим.