Сирискиот претседател Асад се сретна со Лаврентиев, специјалниот претставник на Путин

ТЕЛ АБЈАД (АА) - Сирискиот претседател Башар ал Асад зборуваше за односите меѓу Сирија и Туркије на средбата со Александар Лаврентиев, специјалниот претставник на претседателот на Русија, Владимир Путин, известува Анадолу.

Во веста што ја објави САНА, агенцијата на режимот во Сирија, се наведува дека Асад имал средба со Лаврентиев.

Според веста, Асад на средбата рекол: „Сирија е отворена за сите иницијативи насочени кон односите меѓу Сирија и Туркије кои се засноваат врз борбата против тероризмот и терористичките организации, за суверенитетот над целата територија на државата“.

Зборувајќи дека ги поддржуваат сите иницијативи насочени кон односите меѓу Туркије и Сирија, Лаврентиев истакнал:

„Гледаме дека условите за успех на медијацијата се попогодни од кога било претходно. Русија е подготвена да работи на унапредување на преговорите. Целта е да успееме да ги обновиме односите меѓу Сирија и Туркије“.