Силно полициско присуство пред седиштето на ЦИА во САД по информациите за вооружен напаѓач

ВАШИНГТОН (АА) - Големо полициско присуство е пријавено денес пред седиштето на ЦИА во американската сојузна држава Вирџинија по вестите за истрели, објавија медиумите, известува Анадолу.

Еј-Би-Си Њуз објави дека едно лице се заканувало на капијата на седиштето, што предизвикало полициска реакција.

Специјалниот СВАТ тим на полициската управа на округот Ферфакс им помага на тимовите на ЦИА во случајот.

Властите издадоа сообраќајна тревога, најавувајќи затворање на булеварот ‘Доли Медисон’ во двата правци меѓу Џорџтаун Пајк и Савил Лејн во Меклин поради инцидент на барикадата.