ИСТАНБУЛ (АА) - Министерството за внатрешни работи на Сирија денес објави дека армиските единици почнале да влегуваат во источните предели на покраината Деир ез-Зор, по должината на реката Еуфрат во источна Сирија, јави Сириската арапска новинска агенција (САНА), пренесува Анадолу.

„Нашите сили почнаа да влегуваат во источниот предел на покраината Деир ез-Зор како дел од планот насочен кон уредно распоредување низ сите градови и села“, објави медиумот, цитирајќи го соопштението на Министерството.

Министерството соопшти дека овој потег е преземен во согласност со сеопфатниот безбедносен план дизајниран за заштита на цивилите, јавниот и приватниот имот и за зајакнување на безбедноста и стабилноста во регионот.

Сириската влада минатата недела започна воена операција, враќајќи ги областите во источна и североисточна Сирија по повеќекратните прекршувања на претходните договори од страна на Сириските демократски сили (СДФ).

Сирискиот претседател Ахмед ал-Шара вчера објави сеопфатен договор со СДФ за прекин на огнот и интеграција, со кој сите воени формации на групата ќе се повлечат источно од реката Еуфрат.