Семејството на млад човек кој починал неможејќи да си дозволи поскапен лек во САД ја тужи фармацевтската компанија

ЊУЈОРК (АА) - Семејството на Кол Шмиткнехт, кој почина бидејќи не можел да си ги дозволи лековите за астма откако цената на лекот се зголемила за речиси 500 долари, поднесе тужба против производителот и аптеката каде што се продавал лекот, известува Анадолу.

Шенон и Вилијам Шмиткнехт тврдат дека нивниот 22-годишен син Кол Шмиткнехт починал бидејќи не можел да си ги дозволи поскапените лекови за астма.

Семејството Шмиткнехт поднело тужба против производителот и аптеката која го продавала лекот за астма, тврдејќи дека цената на лекот била зголемена од 66 на 539 долари, што ја предизвикало смртта на нивниот син.

Во документите поврзани со случајот е наведено дека пациентот, кој боледувал од астма, Кол Шмиткнехт, на 10 јануари 2024 година отишол во аптека за да го купи лекот наречен „Advair Diskus“, што го користел околу 10 години, а кога цената се зголемила за околу 500 долари, избрал многу поевтин лек.

Состојбата на Кол Шмиткнехт се влошила по употребата на евтиниот лек и во болницата во која бил пренесен починал на 21 јануари 2024 година.