Семејствата од Газа се борат за преживување откако силно невреме ги уништи шаторите на раселените Палестинци

ГАЗА (АА) - Општина Газа денес соопшти дека тековната бура што го погоди Појасот Газа предизвикала сериозни оштетувања врз шаторите каде што се сместени раселените палестински семејства, дополнително влошувајќи ги нивните страдања, јавува Анадолу.

Говорејќи за Анадолу, портпаролот на Општината, Хосни Махна, изјави: „Силниот дожд и силните ветрови ги зафатија засолништата и импровизираните кампови, при што десетици шатори беа однесени од ветрот, а други беа поплавени.“

Тој додаде дека „градот Газа итно има потреба од 120.000 шатори или соодветни станбени единици“.

Махна рече дека и покрај предизвикувачките услови во Газа, тимовите на Општината внимателно ја следат ситуацијата.

Сепак, тој истакна дека речиси непостојните ресурси, поради уништената инфраструктура од тековните израелски напади, го прават исклучително тешко одговарањето на потребите на раселените лица.

„Она на што сведочиме денес е вистинска хуманитарна катастрофа,“ рече Махна.

„Семејствата што ги изгубија своите домови живеат во трагични услови без реални решенија за заштита од студената зимска сезона.“

Махна упати апел до меѓународните и хуманитарните организации да преземат „итни активности за спасување на илјадници семејства што се соочуваат со невидени тешкотии“.

Последните денови Појасот Газа го зафати бура, уништувајќи десетици шатори на раселените цивили, според локалните власти.

На 19 јануари во Газа стапи на сила договорот за прекин на огнот, со што беше запрена геноцидната војна на Израел, а животот го загубија повеќе од 47.500 лица и ја остави енклавата во урнатини.