САД за размената на затвореници: Ѝ благодариме на Туркије за давањето витална логистичка поддршка

ВАШИНТГОН (АА) - Американскиот советник за национална безбедност, Џејк Саливан, ѝ се заблагодари на Туркије за давањето витална логистичка поддршка која што ја овозможи размената на затвореници реализирана под водство на разузнавачката служба МИТ, известува Анадолу.

„Многу сме ѝ благодарни на Туркије за давањето витална логистичка поддршка која го овозможи овој договор“, рече Саливан на брифингот со новинарите организиран онлајн.

Саливан рече дека договорот, кој ги вклучува и Германија, Словенија, Норвешка и Полска, ќе биде забележан како еден од најголемите договори за размена на заробеници меѓу САД и Русија.

Тој наведе дека големата операција на размена станала возможна со вклучувањето во договорот на Русите заробени во Норвешка, Словенија, Полска и Германија.

Националната разузнавачка агенција на Туркије (МИТ) вчера ја предводеше успешната размена на затвореници во која учествуваа 7 земји, како една од најопсежните операции на размена во последните неколку години.