САД: Во торнадо во Тексас загина едно лице, десетици се повредени

ЊУЈОРК (АА) - Најмалку едно лице загина, а десетици се повредени во разорното торнадо што вчера го погоди Перитон, Тексас, во Соединетите Американски Држави (САД), пренесува Анадолу.

Напорите за пребарување и спасување се во тек, соопштија властите.

Пријавени се големи штети низ целата област, со уништени домови, откорнати дрвја и еден превртен камион.

Околу 50.000 луѓе останаа без струја во Тексас и Оклахома, според poweroutage.us.

Гувернерот на Тексас, Грег Абот, преку Твитер соопшти дека ги распоредиле клучните ресурси за одговор при итни случаи со цел да им се укаже помош на погодените од торнадото во Перитон.