САД: Во престрелка во Филаделфија загинаа 3 лица, 11 се повредени

ФИЛАДЕЛФИЈА (АА) - Во престрелка во американскиот град Филаделфија во сојузната држава Пенсилванија животот го загубија 3 лица, пренесува Агенција Анадолија (АА).

Претставници на полицијата соопштија дека синоќа е пукано врз луѓе кои се наоѓале во Јужната улица, една од најпознатите и најпрометните улици во Филаделфија.

Во нападот животот го загубија 3 лица, а најмалку 11 се повредени.

Полицијата пукала кон напаѓачот при интервенцијата, но напаѓачот го оставил оружјето и избегал.

Официјалните лица на социјалната мрежа Твитер ги известија граѓаните дека не треба да се приближуваат на местото на настанот, додавајќи дека има голем број повредени.