САД: Брод удри во мост во Балтимор, многу возила паднаа во реката

БАЛТИМОР (АА) - Дел од мостот „Френсис Скот Ки“ во Балтимор, во американската сојузна држава Мериленд, се урна рано утрово откако товарен брод удри во него, а повеќе возила паднаа во водата, пренесува Анадолу.

Властите соопштија дека се обидуваат да спасат најмалку седум лица.

Големиот брод удрил во мостот, по што се запалил и потонал.

Во видеоснимката објавена на платформата X несреќата предизвикала паѓање на повеќе возила во реката Патапско.

„Сите коловозни ленти се затворени во двете насоки поради несреќата на мостот 'Ки И-695'“, соопшти Министерството за транспорт на Мериленд.

Градоначалникот Брендон М. Скот и извршниот директор на округот Балтимор, Џони Олшевски Џуниор, објавија дека персоналот за итна помош е на терен и дека спасувачките напори се во тек.

На мостот „Френсис Скот Ки“, кој е отворен во 1977 година, во моментот на несреќата имало повеќе возила.