САД: Бајден и Нетанјаху ќе разговараат за прекин на огнот и размена на заложниците во Газа

ВАШИНГТОН (АА) - Американскиот советник за национална безбедност Џејк Саливан изјави дека на состанокот во Вашингтон на 22 јули, американскиот претседател Џо Бајден и израелскиот премиер Бенјамин Нетанјаху ќе разговараат за начините за постигнување договор за прекин на огнот и за размена на заложниците во Газа, јавува Анадолу.

Во обраќањето на Безбедносниот форум Аспен 2024 што се одржа во американската сојузна држава Колорадо, Саливан рече дека Бајден ќе се фокусира на постигнување договор со Нетанјаху во наредните недели.

Тој истакна дека е потребно да се договорат техничките детали од договорот.

„Свесни сме дека пред нас има некои пречки, треба да ја искористиме следната недела за да ги надминеме овие пречки и да постигнеме договор“, рече Саливан.

Тој нагласи дека ова е најдобрата можност од договорот за размена на затвореници и заложници склучен во ноември 2023 година.

Израелскиот премиер Нетанјаху следната недела ќе го посети Вашингтон, каде на 24 јули ќе се обрати и пред американскиот Конгрес.