Руските сили влегоа во украинскиот град Кремина

КИЕВ (АА) - Руската војска влегла во градот Кремина во областа Луганск во Украина, пренесува Агенција Анадолија (АА).

Гувернерот на Луганск, Сергеј Гајдај, ова го потврди преку објава на својот фејсбук-профил.

„Русите влегоа во Кремина. Почнаа улични борби. Евакуацијата е невозможна“, напиша тој.

Гејдеј рече дека руската војска влегла во Кремина со голем број тенкови и оклопни возила.

Гувернерот на Луганск истакна дека цивилите се заробени во градот.