Рускиот истражен комитет потврди дека Пригожин загинал при падот на авионот

МОСКВА (АА) - Рускиот истражен комитет потврди дека Јевгениј Пригожин, шефот на групата Вагнер, загинал во авионска несреќа, пренесува Анадолу.

Комитетот во соопштението објавено денес наведе дека по форензичко тестирање, идентификувани се сите десет тела пронајдени на местото на несреќата.

Руската управа за цивилно воздухопловство претходно оваа недела соопшти дека Пригожин, заедно со некои од неговите најважни потпоручници, е на листата на оние кои се наоѓале во авионот кој се урна во средата.