Русија тврди дека повторно ги зазела градот Суџа и уште две населби во регионот Курск

(АА) – Русија денес соопшти дека нејзините сили го вратиле градот Суџа во регионот Курск, кој беше заземен од Украина за време на минатогодишниот упад, според официјално соопштение, јавува Анадолу.

Министерството за одбрана информираше дека операцијата била изведена од групата сили „Север“ која, освен Суџа, повторно зазела уште две населени места.

„Единиците на групата сили ‘Север’ ги ослободија населените места Меловоје, Подол и Суџа за време на офанзивата“, се наведува во соопштението.

Портпаролот на Кремљ, Дмитриј Песков, истакна дека Русија има цел што поскоро да воспостави целосна контрола врз регионот Курск, притоа давајќи ѝ приоритет на безбедноста на војниците и цивилите.

„Но нема сомнение дека регионот Курск ќе биде ослободен наскоро“, нагласи тој.

Украина сè уште нема коментар за овие тврдења.