Пукна џиновски аквариум во луксузен хотел во Берлин

БЕРЛИН (АА) - Најголемиот самостоен аквариум во светот, кој се наоѓа во берлинскиот хотел „Радисон“, се скрши утрово, испуштајќи стотици литри вода на улицата, јавува Агенција Анадолија (АА).

Портпаролот на берлинската полиција, Мартин Стралау, изјави дека најмалку едно лице е полесно повредено, а првичните истраги индицираат дека инцидентот најверојатно е несреќен случај.

Познато е дека АкваДом (AquaDom) имаше над 1.500 риби од 50 различни видови, а се наоѓаше во фоајето на луксузниот хотел.