ИСТАНБУЛ (АА) – Еден студент загина, а друг е критично повреден во вчерашното пукање во Државниот универзитет во Кентаки во САД, објави Си-би-ес њуз повикувајќи се на официјални лица, јавува Анадолу.

Универзитетската полиција го приведе осомничениот на местото на настанот.

Тој не бил студент на универзитетот.

Подоцна е идентификуван како Џејкоб Ли Бард од Евансвил, Индијана, според градските власти.

Бард е однесен во регионалниот затвор на округот Франклин под обвинение за убиство и напад од прв степен.

Гувернерот на Кентаки, Енди Бешир и помошникот началник на полицијата во Франкфорт, Скот Трејси рекоа дека пукањето изгледа било целно.

„Ова не е масовно пукање или случаен инцидент“, рече Бешир во видеоизјава.

„Ранетиот студент е однесен во болница во критична, но стабилна состојба“, додаде Трејси.

Полицијата соопшти дека ова е второ пукање на универзитетот оваа година. Во август двајца студенти беа застрелани во близина на Јанг Хол кога некој од возило што минувало отворил оган врз група што шетала низ кампусот.