Ahmet Dursun
13 Јуни 2025•Ажурирај: 17 Јуни 2025
ТЕХЕРАН (АА) - Претседателот на иранскиот Парламент, Мохамед Бакер Калибаф, во врска со нападите на Израел изјави: „Нападот врз населбите покажа дека криминалниот ционистички режим е најбрутален непријател на секој поединец од иранската нација. Ќе му се одмаздиме на ционистичкиот режим“, известува Анадолу.
Во писменото соопштение во врска со нападите на Израел, Калибаф наведе дека дефинитивно ќе се возврати на нападите.
Истакнувајќи дека цел на нападите биле цивилни населби, Калибаф рече:
„Криминалниот ционистички режим покажа дека е најголем непријател на човештвото и најбрутален непријател на секој поединец од иранската нација со напаѓање на населените места.“
Калибаф истакна: „Ќе возвратиме на секој можен начин. Ќе му се одмаздиме на ционистичкиот режим. Тие го започнаа ова, но ако даде Бог, ние ќе го завршиме.“
Израел започна напади врз иранскиот главен град Техеран, Тебриз, нуклеарниот погон Натанз во Исфахан и градовите Лорестан и Керманшах во раните утрински часови.
Во нападите се убиени и високи воени функционери и нуклеарни научници, вклучително и началникот на Генералштабот на Иран, генерал-мајор Мохамад Бакери и генералниот командант на Корпусот на Револуционерната гарда, генерал-мајор Хусеин Селами.
Во нападите Израел погоди и цивилни населби во Техеран, при што се убиени голем број цивили.
