Претседателот на Бангладеш го распушти Парламентот, ставајќи крај на ерата на премиерката Хасина

ДАКА (АА) – Претседателот на Бангладеш, Мухамед Шахабудин, денес го распушти Парламентот, со штостави крај на периодот на владеењето на премиерката Шеик Хасина, која побегна во Индија поради масовните антивладини протести, јавува Анадолу.

Парламентот се формира по контроверзните избори на 7 јануари, кои беа бојкотирани од главните опозициски партии, вклучително и Националистичката партија на Бангладеш (БНП) и нејзиниот партнер, движењето Џамаат-е-Ислами.

Претседателството во соопштението наведува дека одлуката за распуштање на Парламентот е донесена по разговорите со началниците на армијата, лидерите на политичките партии, претставниците на граѓанското општество и водачите на демонстрациите организирани од студентите.

Студентите дадоа рок од 24 часа да се распушти Парламентот и да се формира привремена влада.

Се наведува и дека Халида Зија, лидерката на главната опозиција и на БНП, е ослободена од затвор. Седумдесет и осумгодишната политичарка, која на позицијата премиерка на Бангладеш беше два мандата, во 2018 година беше осудена на 17 години затвор заради корупција.