Burç Eruygur
12 Декември 2022•Ажурирај: 13 Декември 2022
ИСТАНБУЛ (АА) - Рускиот претседател Владимир Путин и неговиот азербејџански колега Илхам Алиев денес разговараа за спроведувањето на трилатералните договори потпишани со Ерменија, пренесува Агенција Анадолија (АА).
„Беа дискутирани некои практични аспекти од спроведувањето на договорите меѓу лидерите на Русија, Азербејџан и Ерменија од 9 ноември 2020 година, 11 јануари и 26 ноември 2021 година и 31 октомври 2022 година, вклучувајќи ги и плановите за обновување на економските и логистичките врски во Јужен Кавказ“, се вели во соопштението на Кремљ.
„Двајцата лидери исто така се согласија да продолжат со нивните контакти“, се додава во соопштението.
Путин и Алиев претходно разговараа за слични прашања за време на телефонскиот разговор на 26 ноември.
Трилатералните договори од 2020 и 2021 година ставија крај на 44-дневниот конфликт во регионот Карабах, кој беше ослободен пред околу две години од речиси тридецениската ерменска окупација.
Односите меѓу двете поранешни советски републики се тензични од 1991 година, кога ерменската војска го окупира Карабах, територија меѓународно признаена како дел од Азербејџан, и седум соседни региони – Лачин, Калбајар, Агдам, Фузули, Џабраил, Кубадли и Зангилан.
Есента 2020 година, во судирите што траеја 44 дена, Баку ослободи неколку градови, села и населби од ерменската окупација, што заврши со примирје со посредство на Москва. Мировниот договор во Азербејџан се слави како триумф.
