Премиерот на Словачка Роберт Фицо вон животна опасност

БРАТИСЛАВА (АА) - Словачкиот премиер Роберт Фицо е надвор од животна опасност, но сѐ уште е во тешка состојба, објавија официјални лица денес, известува Анадолу.

„Закрепнувањето на Фицо ќе биде долго и болно. Потербен е неколкунеделен одмор“, изјави службеник на болницата, објави ТАСР - новинска агенција на Република Словачка.

„Трансферот на премиерот во друга болница не е ниту планиран ниту можен во блиска иднина“, соопшти вицепремиерот Роберт Калинак.

Премиерот на Словачка Роберт Фицо беше застрелан повеќепати во средата додека разговараше со поддржувачите пред културниот центар по состанокот на владата во градот Хандлова.