„Запрете го убивањето на децата во Газа“, извикуваа демонстрантите во Торонто, Канада

ОНТАРИО (АА) - Во Канада се одржа собир на поддршка на Палестина во кој учествуваа бројни граѓани, известува Анадолу.

Во Торонто, во канадската покраина Онтарио, поддржувачите на Палестина маршираа од центарот на градот до пропалестинскиот камп кој е поставен во кампусот на Универзитетот во Торонто.

Насобраните носеа знамиња на Палестина и транспаренти на кои беше испишано „Слободна Палестина“, „Запрете го геноцидот“ и „Запрете го убивањето на децата во Газа“.

Израел започна брутална воена офанзива врз Појасот Газа со неселективно бомбардирање на цивилни населби, училишта, верски објекти и болници по нападот на палестинската група Хамас на 7 октомври.

Во израелските напади на Појасот Газа се убиени над 35.386 Палестинци, воглавно деца и жени, а 79.366 се повреди во услови на масовното уништување и големиот недостиг на неопходни средства за живот.

Израел е обвинет за геноцид пред Меѓународниот суд на правдата. Привремената пресуда во јануари му нареди на Тел Авив да ги запре геноцидните акти и да преземе мерки за да обезбеди хуманитарна помош за цивилите во Газа.

И покрај тоа, израелските напади врз Појасот Газа продолжуваат со несмален интензитет, а испораката на хуманитарната помош не е доволна за решавање на хуманитарната катастрофа.