Перу ќе го поддржи процесот на дијалог меѓу Владата и опозицијата во Венецуела

БОГОТА

Министерот за надворешни работи на Перу, Хектор Бехар, истакна дека се подготвени да дадат поддршка на преговарачкиот процес кој се очекува да започне меѓу Владата на Венецуела и опозицијата, пренесува Агенција Анадолија (АА).

Нагласувајќи дека едностраните санкции против Венецуела треба да се укинат, Бехар рече: „Ја поддржуваме секоја иницијатива за придонес во дијалогот меѓу Владата на Венецуела и опозицијата кој е потребен.“

Тој наведе дека страните можат да постигнат договор за слободни, фер и демократски избори во земјата, при што рече: „Сметаме дека овој дијалог треба да служи и за укинување на економските санкции кои влијаат на животот на венецуелскиот народ.“

Изразувајќи дека очекуваниот дијалог меѓу Владата и опозицијата, чиј домаќин е Мексико, е добра вест, Бехар додаде дека неговата земја целосно ќе ги поддржи таквите иницијативи за кои е потребна и поддршка од меѓународната заедница.

Мексиканскиот претседател Андрес Мануел Лопез Обрадор на 6 август соопшти дека преговорите што се очекува да започнат меѓу Владата на Венецуела и опозицијата ќе се одржат во неговата земја.

​​​​​​​

- Мадуро е подготвен за дијалог

Претседателот Мадуро на 13 мај соопшти дека е подготвен да се сретне со поранешниот шеф на Националното собрание и опозициски лидер Хуан Гваидо во замена за постепено укинување на американските санкции.

Во замена за постепено укинување на санкциите во САД, Гваидо постави барања како што се воспоставување на „слободен и фер“ изборен календар во земјата под надзор на меѓународни набљудувачи, обезбедување заштита од Ковид-19 и ослободување на сите политички затвореници.