Оружен напад врз почесниот конзулат на Азербејџан во Украина

КИЕВ

Извршен е оружен напад врз почесниот конзулат на Азербејџан во украинскиот град Харков, пренесува Агенција Анадолија (АА).

Според соопштението на овој конзулат, во рамки на нападот извршен во околу 02:30 часот по локално време испукани се шест куршуми кон конзулатот.

Во видео-снимките снимени од страна на безбедносните камери се забележува дека напаѓачите биле двајца млади лица.

За време на нападот, никој не бил присутен во конзулатот.

Започната е истрага во врска со овој случај.