ОН повикуваат на брзо формирање на либанската Влада
Јан Кубиш во соопштението повика на создавање нова Влада која ќе ги исполни аспирациите на либанскиот народ, ќе ужива негова поддршка и ќе може да одговори на итните и на многу други предизвици со кои се соочува земјата
АНКАРА
Специјалниот координатор на ОН за Либан ги повика денеска либанските власти брзо да формираат нова Влада по оставката на премиерот Хасан Диаб и неговиот кабинет, јавува Агенција Анадолија (АА).
Јан Кубиш во соопштението повика на создавање нова Влада која ќе ги исполни аспирациите на либанскиот народ, ќе ужива негова поддршка и ќе може да одговори на итните и на многу други предизвици со кои се соочува земјата.
Кубис исто така ја нагласи важноста за избегнување на продолжен период без власт.
„Постојат непосредни хуманитарни потреби кои треба да се решат и неопходни реформи што треба да се преземат без никакво одложување за да се врати довербата на либанскиот народ и на меѓународната заедница во Либан“, додаде тој.
Две силни експлозии го потресоа пристаништето во Бејрут во вторникот, откако избувна пожар во магацин во којшто неправилно беа складирани 2.750 тони амониум нитрат.
Експлозијата сруши околни згради и предизвика голема материјална штета, при што стотици илјади лица останаа без покрив над главата.
Либан и пред оваа несреќа беше во криза, соочувајќи се со сериозни финансиски и економски проблеми и тековна длабока корупција.
Насилните демонстрации продолжуваат, и покрај оставката на Диаб и неговата влада.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.