ОН: Во просек во Газа дневно се убиени 63 жени, од кои 37 се мајки

ГАЗА (АА) - Агенцијата на Обединетите нации (ОН) за помош на палестинските бегалци на Блискиот Исток (УНРВА) објави дека во израелските напади на Појасот Газа во просек дневно гинат 63 жени, од кои 37 се мајки, зад кои останале семејства, известува Анадолу.

УНРВА на социјалната мрежа Х објави дека жените во Појасот Газа се изложени на големи страдања како и останатите цивили.

„На 8 Март - Меѓународниот ден на жената, жените во Газа продолжија да ги трпат последиците од оваа брутална војна“, се вели во соопштението.

Потсетуваат дека најмалку 9.000 жени се убиени во нападите на Израел, кој е обвинет за геноцид, и дека многу повеќе има останато затрупани под урнатините.

„Во Газа во просек дневно се убиени 63 жени, од кои 37 се мајки“, наведуваат од УНРВА.

Израел, обвинет за геноцид, во нападите на Појасот Газа од 7 октомври досега уби 30.800 Палестинци, а повредени се 72.298. Повеќе од 70 % од убиените во израелските напади се жени и деца.