ОН: Во последните 24 часа убиени 40 цивили во авганистанската покраина Хелманд

КАБУЛ

Мисијата на Обединетите нации за помош на Авганистан (УНАМА) соопшти дека во последните 24 часа биле убиени 40 цивили во авганистанската јужна покраина Хелманд, пренесува Агенција Анадолија (АА).

Во соопштението на УНАМА се нагласува дека овие 40 цивили загинале во судирите што се случиле во последните 24 часа во оваа покраина.

Според соопштението, во овој период биле повредени 118 цивили, а се вели дека може да се случи голема катастрофа доколку страните не ја осигурат безбедноста на животот на цивилите.

Во ова соопштение се наведува дека илјадници лица се раселени поради судирите.

Веќе околу една недела продолжуваат судирите меѓу талибанските милитанти и безбедносните сили во покраините Кандахар, Хелманд и Херат.