ИСТАНБУЛ (АА) - Обединетите Арапски Емирати соопштија дека нивните системи за воздушна одбрана пресретнале бараж од ракети и беспилотни летала лансирани од Иран вчера, соопшти Министерството за одбрана, јавува Анадолу.

„Системите за воздушна одбрана на ОАЕ неутрализираа шест балистички ракети, седум крстосувачки ракети и 39 беспилотни летала лансирани од Иран“, се вели во соопштението на Mинистерството.

Властите соопштија дека одбранбените системи на Емиратите од почетокот на нападите пресретнале 268 балистички ракети, 15 крстосувачки ракети и 1.514 беспилотни летала.

Според соопштението, нападите резултирале со шест смртни случаи и 131 повредено лице од различни националности.

- Нападите на САД и Израел врз Иран -

Ескалацијата следува по воените напади врз Иран на 28 февруари од страна на Израел и САД, додека преговорите меѓу Техеран и Вашингтон сè уште беа во тек.

Иран одговори со одмазднички напади насочени кон Израел, како и кон локации во неколку регионални земји каде што се наоѓаат американски воени бази, вклучувајќи ги Катар, ОАЕ и Бахреин.

За време на американско-израелските напади, Али Хамнеи, тогашниот врховен лидер на Иран, беше меѓу бројните убиени високи официјални претставници.

Иранските власти соопштија дека во нападите меѓу САД и Израел загинале 1.332 лица.