Нови експлозии во главниот град на Украина, Киев

АНКАРА

Нови експлозии се слушнаа во главниот град на Украина, Киев, откако Русија претходно започна воена инвазија, јавува Агенција Анадолија (АА).

Експлозиите започнаа во 4:50 наутро по локално време (0250GMT) во градовите: Харков, Краматорск, Мариупол, Миколаев и пристанишниот град Одеса, како и во главниот град Киев, во напад на руските сили.

Низ главниот град Киев се слушнаа сирени, предупредувајќи ја јавноста да бара засолниште од нападите на Русија.

Додека некои цивили се обидоа да го напуштат градот, други се засолнија во метростаниците и подрумите.

Претходно, Украинската гранична служба објави дека Русија извршила напад врз Украина од Белорусија кон северозапад, како и од окупираниот полуостров Крим, кој Москва незаконски го окупира во 2014 година.

Во соопштението се вели дека нападот бил извршен од руските сили поддржани од Белорусија.

Се додава дека граничните војници биле нападнати и дека исто така имало напади во градовите Луганск, Суми, Чернихив и Житомир, сите области долж украинската источна и северозападната граница на Украина.

Руската инвазија предизвика меѓународна осуда и ветувања за построги санкции кон Москва.

Во изминатите месеци Русија собра 100.000 војници близу границата на Украина, но претседателот Владимир Путин постојано негираше дека се има намера за инвазија.