Неколкумина повредени во пукотница во универзитетски кампус во Германија

БЕРЛИН (АА) - Неколку лица се повредени во пукање во универзитетски кампус во Хајделберг, југозападна Германија, соопшти денеска полицијата, јавува Агенција Анадолија (АА).

„Вооружениот напаѓач е мртов и не постои понатамошна закана за јавноста“, се вели во соопштението на полицијата.

Инцидентот се случи во Нојенхајмер Фелд, еден од трите кампуси на Универзитетот во Хајделберг, кој вклучува медицинско училиште и факултет за природни науки.