Најмалку пет лица се убиени синоќа во израелски напад врз градот Газа

ИСТАНБУЛ (АА) - Најмалку пет лица се убиени синоќа во напад на израелската армија врз градот Газа, во северниот дел на Појасот Газа, пренесува Анадолу.

Според веста што ја објави официјалната палестинска новинска агенција ВАФА, израелски воени авиони бомбардирале куќа во северозападниот дел на градот Газа.

Во нападот што се случи на полноќ убиени се најмалку пет лица, а има и повредени.

По прекинот на огнот во Појасот Газа што стапи на сила на 19 јануари, израелската армија утрото на 18 март продолжи со брутални напади.

Од продолжувањето на израелските напади убиени се 1.391 Палестинец, главно, постари лица, жени и деца, а 3.434 се повредени.

Бројот на Палестинци кои ги загубија животите во нападите на Израел врз Појасот Газа од 7 октомври 2023 година досега се зголеми на 50.752, а на повредени достигна 115.475.