Најмаку 9 лица се повреди во Киев во напад на руско беспилотно летало

ИСТАНБУЛ (АА) - Најмалку девет лица се повредени во главниот град на Украина, Киев, во напад со руски беспилотни летала во текот на ноќта, соопштија локалните власти денес, јавува Анадолу.

Шефот на градската воена управа на Киев, Серхи Попко, на Телеграм изјави дека Русија синоќа го извршила 19-от воздушен напад врз Киев овој месец, а воздушната тревога траела повеќе од два часа.

Според Попко, остатоците од соборените беспилотни летала паднале во киевскиот кварт Соломијански, каде што тој рече дека беспилотно летало удрило во станбена зграда што предизвикало пожар во неколку станови.

„Од зградата беа евакуирани 18 лица. Девет лица се повредени, меѓу кои и едно дете“, рече Попко.

Тој рече дека се запалила и административна зграда во близина, а пожарот подоцна бил изгаснат.

Украинските воздухопловни сили во посебна изјава тврдат дека нивната противвоздушна одбрана соборила 33 од 62 беспилотни летала лансирани од Русија врз Киев, како и регионите Черкаси, Хмелницки, Харков, Запорожје, Доњецк, Днепропетровск, Суми, Чернихив и Полтава.

Руските власти допрва треба да го коментираат нападот.